उद्योगपरिवर्तनम्

आ पञ्चदशमासेभ्यो साम्प्रतिकोद्योगमकरवम्। सर्वेषाणां वस्तूनां शुल्को वर्धते तर्हि कश्चनोऽन्य उद्योगः करणीयो यस्मादधिकवेतनं प्राप्तुं शक्यते। तर्ह्युद्योगस्त्यक्तः। इदानीमुद्योगान्वेशणं करणीयम्।

पोकेमोन्-आपणः

पोकेमोन्-पत्रेषु पुत्रस्य रुचिर्वरीवृध्यते। ह्यो नगरे पोकेमोन्-आपण आयोजितः। तत्र पुत्रेण सहागच्छाव। पुत्रो द्विशतकाधिकरुप्यकाणि व्ययीकृत्य पत्राणि क्रीतवान्। यावत्तस्य वयोर्वधते तावत् पोकेमोन्-पत्रेषु तस्य रुचिरपि वर्धते।

ग्रीष्मविराम आरभते

पुत्रस्य विद्यालयस्य ग्रीष्मविराम आरभते। अहं गृहात्कार्यं करोमीत्यतः पुत्रो गृहे स्थातुं शक्नोति। अहं तं पुस्तकपठनाय प्रेरयामि परन्तु स निर्मनसा पुस्तकं पठति। अधिकतया दूरदर्शनादिषु समयो यापयति। सम्प्रति सर्वेषामेवैषा कथा।

पुत्रो गतः

प्रथमवारं पुत्र आवाभ्यां विना गतः। स विद्यालयस्य सङ्गीतसङ्गठने वाद्ययन्त्रं वादयति। काचित्सङ्गीतस्पर्धान्ये नगरेऽस्ति। तेन कारणेन स विद्यालयस्यान्यैश्छात्रैः सह गतः। रविवासरे आगमिष्यति। इदानीं तत्समीपे जङ्गमदूरवाण्यस्ति। अतो यात्रा कथं प्रचलति स आवां सूचयितुं शक्नोति। तस्य मित्रैः सहावाभ्यां विना स गत एतेन कारणेन सो हर्षितः।

पुनः संस्कृतं पाठयेयम्?

गतदिनेषु पुनः संस्कृतवदनस्य पाठनस्य चेच्छा जागृता जाता। पुनः संस्कृतं पाठयेयमिति चिन्तयामि।

दिने बहिरगमाम

अद्य पुत्रस्य मित्रस्य जन्मदिवसोत्सवोऽभूत्। पुत्रमुत्सवस्थलं प्रापय्य भार्याहं च भोजनालयमापणानि चागमाव। तस्माद्दिनं शीघ्रेणागमत्। श्वः सोमवासरः। पुनः कार्यालयस्य कार्यं करणीयम्।

पोकेमोन्-पत्राणि

अद्य पुत्रमापणमनैषम्। तस्य पोकेमोन्-पत्रेषु बृहद्रुचिरस्ति। तस्य जन्मदिवसोऽप्यागच्छति। अहं तमवादिषं त्वया यत्क्रीयते तत्त्वज्जन्मदिवसोपायनम्। स पत्राणां पिटकं क्रीत्वाहर्षीत्।

साँयकालाटनं दुश्करम्

ग्रीष्मकाल आगच्छति। साँयकाले घर्मो वर्धते। तस्मात्साँयकलाटनं कठिनं जायते।

मिष्ठान्नं प्रतिदिनम्

भार्यापुत्राभ्यां रात्रिभोजनस्य परस्तान्मिष्ठान्नं रोचेते। मह्यमपि रोचे नासत्यं वदानि परन्तु जानामि प्रतिदिनं मिष्ठान्नभोजनं न समीचीनम्। कथञ्चिन्मिष्ठान्नस्य भोजनं न्यूनीकरणीयम्।

पर्सिस् खम्बाटा

गतरात्रौ मम मस्तिष्के 'पर्सिस् खम्बाटा' इति नामाकस्मिकतयागच्छत्। सा काचित्प्रसिद्धमहिला बभूवेति मया ज्ञातमासीत्परन्तु तस्याश्चित्रं तस्या विवरणं मम मस्तिष्के न प्राकटयत्। बाल्यकालेऽन्तर्जालं नासीत्। तस्मात् सूचना विरलतया मिलति स्म। सम्प्रति तु कदापि किमप्यन्वेष्टुं शक्यते। तस्या नामान्तर्जालेऽस्थापयम्। तेन ज्ञातं सा मिस्-इण्डिया-१९६५ आसीत्। सा चलचित्रविज्ञापनादिषु कार्यं चकार। धूम्रपानदुर्व्यसनात्केवलमेकोनपञ्चाशद्वयसि तस्याः स्वर्गवासं बभूव। तस्या आत्मा शान्तिं प्राप्यात्।

भार्याया जन्मदिनम्

भार्याया जन्मदिनमागच्छति। सा कार्यालयाद्विरामं ग्रहीतवती। अहं तु गृहादेव कार्यं करोमि। तस्मिन् दिने किं कुर्यावेति चिन्तयामि। उपायनेषु मम रुचिर्नास्ति तर्हि तस्यै पुष्पानि दास्यामीति चिन्तयामि। रात्रौ सकुटुम्बं भोजनालयं गच्छेमेत्यपि चिन्तयामि।

कठिनपुस्तकम्

भौतिकविज्ञानं पठामि। सम्प्रति यत्पुस्तकं पठामि तत् कठिनम्। आरम्भे तु किमपि नावगतम्। पुस्तकस्य दोशो न। विषय एव कठिनः। पुस्तकं तूत्तमम्। ए-आय सहातया शनैःशनै पुस्तकपाठा द्रवीभूयन्ते। द्वाभ्यां मासाभ्यां परस्तादिदानीमगन्तुं शक्यन्ते। कुठारेण पर्वतं भनज्मीति भासते। परन्तु शनैःशनैः पर्वतो निश्चयेन भज्यते।

वसन्तर्तुरवकाशः

वसन्तर्तुरवकाशाय निकटस्थं नगरमगच्छाम। तत्र निवासालयं विहाय वयं मनोरञ्जनयानेऽनिवसाम। याने सर्वसुविधान्यासन्। नूतनानुभवमासीत्। रात्रौ घोरन्धकार आसीत्। हस्ते लण्ठनदीपं धृत्वा गन्तव्यम्। दिने तीव्रवायुरासीत्। तेन पर्यटनं किञ्चित्क्लेशकरं जातम्। अन्यथा प्रवासः सम्यगासीत्।

विरलतयात्र लिखामि केन कारणेन

अत्र लिखिता लेखाः क्षीयन्ते। केन कारणेन? भौतिकविज्ञानं पठामि। तत उपर्योद्यगमप्यस्ति। भौतिकविज्ञाने महत्छ्रम आवश्यकः। तस्मिन्नेव समयो गच्छति। एतेन कारणेन लेखा अत्र विरला अभूवन्। परन्तु संस्कृतं मह्यमिदानीमपि रोचते। प्रयत्नं कृत्वा लेखानां सङ्ख्यां वर्धयिष्यामि।

विदेशयात्रा-२

विदेशयात्रा सम्यक् समाप्ता। किञ्चिच्छैत्यमासीत् परन्तु वयं स्वेदकानि नीतवन्तः। यात्रा तु सम्यगासीत् परन्तु महती श्रान्तिरभवत्। प्रतिदिनं दूरं चलतव्यम्। वर्षैकवारमेव कर्तुं शक्यते। मह्यं तु गृहमेव रोचते यत्र सर्वसुविधानि सन्ति। गृहे धनव्ययोऽपि न्यूनो भवति।

विदेशयात्रा

शीघ्रं सकुटुम्बं विदेशं गन्तास्मि। भार्या तु विशेषत उत्सुका। मह्यं तु विमानयात्रा कलेशकरी। परन्तु कुटुम्बाय करोमि। प्रत्यागम्य यात्राविवरणं दास्यामि।

इदानीमपि मित्राय कार्यम्

इदानीमपि मित्राय कार्यं करोमि। परन्त्वग्रिमे वर्षे कुर्यां वा न न जाने। जीवने सर्वासां वस्तूनां शुल्कं वर्धते। तेन कारणेन मया वेतनवृद्धिर्याचनीया मित्रात्। स कुर्याद्वा नेति द्रष्टव्यम्। न क्रियते चेदन्यमुदयोगमनविष्यामि।

अन्तरिक्षविज्ञानम्

अद्यत्वेऽन्तरिक्षविज्ञानं पठन्नस्मि। सप्ताहे त्रयदिनेभ्यः कार्यं करोमि। अन्येषु दिनेषु विज्ञानं पठामि। अर्धसमयं यावदेव कार्यं करोमि तस्माद्वेतनं तु न्यूनमेवास्ति। परन्तु विज्ञानं पठनस्य मम बालवस्थाया इच्छासीत्। इदानीं वयो वर्धते। अग्रिमेषु वर्षेषु स्वास्थ्यं कथं भवेत्तको जानीयात्? तेन कारणेनैव यावन्तीच्छाः सन्ति तासु याः का अपि पूरयितुं शक्यन्ते ताः पूरयामि।

पोकेमोन्-मेलनम्

पोकेमोनेषु पुत्रस्य विशेषरुचिरस्ति। गतसप्ताहान्तेऽस्माकं नगरे पोकेमोन्-मेलनमभवत्। कुटुम्बस्तत्र नीतः। पुत्रो हर्षितोऽभवत्।

ग्रीष्मविरामः

विद्यालयस्य ग्रीष्मविरामः प्रचलन्नस्ति। आदिनं पुत्रो दूरदर्शनमेव पश्यति। अनिच्छयैव किञ्चित्कदाचित्पुस्तकं पठति। अहो साम्प्रतिका बालकाः!