अत्यधिकशैत्यम्

गतसप्तसु दिनेष्वत्यधिकशैत्यमासीत्। एतावच्छैत्यं पूर्वं राज्येऽस्मिन्कदापि न दृष्टम्। तस्माद्बृहत्समस्या उत्पन्नाः। बहुत्र जलनलिकासु जलं हिमीभूतम्। तस्माज्जलनलिका विदीर्णाः। तस्माज्जलन्न लभ्यते। अत्यधिकशैत्यवशाद्विद्युच्छक्तिनिर्माणयन्त्राणि क्षतिग्रस्तानि भूतानि। तस्माद्विद्युच्छक्तेरभावोऽभवत्। एतावत्पर्यन्तमस्मासु कापि विशेषक्षतिर्नापतिता। परन्तु यावद्यावज्जलनलिकासु हिमं द्रवीभूयते तावत्तावज्ज्ञास्यते यदि गृहे कयापि नलिकया क्षतिः प्राप्ता।