रात्रिभोजनं बाह्यम्

ह्यस्तनस्य रात्रिभोजनं बहिस्तः क्रीतम्। आ केभ्यश्चिद्दिनेभ्यः पुत्रो वदति स्म बहिस्तो भोजनङ्क्रेतव्यम्। भार्यापि प्रतिदिनं भोजनं पाचं पाचं श्रान्ता भवति। ताभ्यां मयाङ्गीकृतम्। भोजनालये सम्मर्दो दृष्टः। दिष्ट्या तेन भोजनालयेन कारयानयेव भोजनं दीयते। कारयाने स्थित्वा दूरवाण्या क्रयणसङ्ख्या नाम च प्रेषितवान्। कार्यकर्ता भोजनालयाद्बहिरागत्य कारयाने मह्यं भोजनमददात्।