मित्राण्यमिलम्

ह्यः साँयकाले नगरकेन्द्रमगच्छम्। पूर्वतनानां सहोद्योगिनां मेलनमासीत्। परह्यस्तु शैत्यन्नासीत्परन्तु ह्यः शैत्यमभवत्। तस्मात्किञ्चिदसौकर्यमन्वभवम्। यतो मदिरापानमपेक्षितमासीदतोऽहङ्कारयानं नाचालयम्। मम भार्या मां रेलस्थानकं प्रापयत्। प्रत्यागमनेऽपि सा मां रेलस्थानकादानयत्। शैत्यवशात्करोनावशाच्च केवलं षड्जना आगच्छन्। निमन्त्रणं तु पञ्चविंशतिजनेभ्यः प्रेषितमासीत्। तथापि पुरातनान्सहोद्योगिनो दृष्ट्वा सन्तुष्टोऽभवम्।