'म्यू-टू'

पुत्रस्य रुचिः पोकेमोनक्रीडायां वर्तते। केभ्यश्चिद्मासेभ्यः पूर्वं तस्मै क्रीडायन्त्रङ्क्रापितमासीत्। बहुभ्यः सप्ताहेभ्यस्तेन क्रीडैका क्रीडिता। तेन क्रीडा समाप्तप्राया कृता। परन्त्वन्ते म्यू-टू इति नाम्ना रिपुरासीद्यं स जेतुन्नाशक्नोत्। केभ्यश्चिद्दिनेभ्यस्तेन क्रीडा पुनर्न क्रीडिता। अहं तमवदं तेन क्रीडा समापनीया। अद्य स क्रीडां पुनरक्रीडीत्। म्यू-टू-महाशयमजैषीत्। अतिप्रसन्नोऽस्ति सः।