अनुभववीथिः

राधावल्लभत्रिपाठीवर्येण विरचितम् ‘अनुभववीथिः’ नाम्ना लघुपुस्तकमपठम्। ‘स्मितरेखा’ इवोत्कृष्टभाषोपेतमेकत्रिंशत्पृष्ठाः परिमिताः पुस्तकमिदन्न केवलं हासजनकं सामाजिकसमस्या अपि च द्योतयति। यद्यपि पुस्तकादौ दत्तायां भूमिकायां लेखकः पाठकान् सूचयति यत् पुस्तके विवृता अनुभूतयस्तस्य न प्रत्युत काल्पनिकास्तथापि ता अनुभूतीः पठित्वा कृच्छ्रेणैव प्रतिपादनमेतद्विश्वसितुं शक्नोमि। तदनवेक्षमाह्लादकमेतत्पुस्तकमवश्यं पठनीयम्।