घण्टाँय्यावद्वाहनसम्मर्दः

सामान्यतो गृहात्कार्यालयपर्यन्तँय्यात्रा वाहनेन विंशतिर्निमेषपरिमिता। अद्य सैव यात्रा घण्टापरिमिता जाता। मार्गे वाहनघट्टनमभूदिति प्रत्येमि। किमपि न दृष्टं परँय्यदाकदाप्येतादृशो विलम्बो दृश्यते तदेव कारणम्। अपघाते कोऽपि न व्रणितो मृतो वेत्याशासे। अस्मासु वाहनसम्मर्दे सत्सु कीदृशौ सँय्यमो धैर्यञ्च स्त इति द्रष्टुं शक्यते। एतस्यामवस्थायाङ्कोपावसादादयो जायन्ते। एतन्न भवेदित्यहं प्रयते यतः कस्यापि न दोषः। एतादृशा लघुघटनास्तु भवन्त्येव।