द्योवीक्षणयन्त्रम्-२

पुत्राय क्रिस्तमसपर्वावसरे द्योवीक्षणयन्त्रं दत्तम्। एतावत्पर्यन्तं तत्तु पेटिकायामेवासीत्। तस्यांशानद्याहं पुत्रञ्च समाहार्ष्व। अद्य द्यवि मेघाः प्रसृता अतो यन्त्रस्य प्रयोगङ्कर्तुन्नाशकाव। प्रायः श्वः परश्वो वा तस्य प्रयोगङ्कुर्याव। आदौ द्वित्रिवारं तस्य प्रयोगः सरलो न भवेदिति मन्ये। बाल्यकालयेतादृशं यन्त्रं प्रापणाय मम तीव्रेच्छासीत् परन्तु कदापि न प्राप्तम्। सम्प्रत्यवसरः प्राप्तः परन्तु तादृश उत्साहो न वर्तते। गृहाद्बहिर्गन्तव्यं यतो गृहोद्याने बहवो वृक्षाः सन्ति।