अवकाशः

अद्य कार्यालयादवकाशङ्गृह्णामि। सामान्यतो दिसम्बरमासः कार्यालये व्यस्तो नास्ति। परन्तु प्रतिवर्षङ्करणीयकार्यराशिर्वर्धते। अस्मिन्वारं दिसम्बरमासोऽतिव्यस्तः। प्रतिदिनं मेलनानि सन्ति। आ वर्षङ्क्रियमाणाः प्रकल्पा अन्तिमचरणे सन्ति। ते प्रकल्पाः समापनीयाः। तेषां सर्वेषां सम्बद्धानि वार्षिकलक्ष्यानि सन्ति। तानि लक्ष्यानि वर्षान्तात्पूर्वं साधनीयानि। अतोऽवकाशाय बहवोऽवसरा न वर्तन्ते। अद्य केवलमेकं मेलनमस्ति। सुवर्णावसरोऽस्तीति चिन्तयित्वा मयावकाशो गृहीतः। पुत्रस्यापि विद्यालयावकाशस्य प्रथमदिवसोऽद्य।