शीतविरामस्यान्तिमदिनम्

आत्मजस्य विद्यालयस्य शीतविरामस्यान्तिमदिनमद्य। अयं शीतविरामो न केवलं तस्य हितायावयोर्लाभायापि। प्रातःकाले तं विद्यायलयन्न प्रापितव्यं मया, तदीयया मात्रा विद्यालयान्नानेतव्यः सः। एतस्माद्दिनानि दीर्घान्यभासन्त। विरामकालेऽस्माभिः सुषुप्तिः प्राप्ता। गतत्रिषु दिनेष्वहं सप्तवादनात्परमजागरम्। अदोऽपूर्वम्। दिनान्युत्साहयुतान्यासन्। श्व आरभ्य पुनः सामान्यजीवनचक्रं वरीवर्त्स्यते।