मदीयस्य वर्गस्यैका छात्रा शब्दकोषञ्चिक्रीषति। अहं पुस्तकङ्क्रयणाय तस्यै जालपुटसङ्केतमगमयम्। अनन्तरमवेदिषं यद्यत्पुस्तकं सा चिक्रीषति तस्य पुस्तकस्यातिरिक्ता प्रतिकृतिर्मत्सकाशे विद्यमाना। अहं तामवादिषमष्टवादने मिलित्वा पुस्तकं मत्क्रेतुं शक्नोति। सपादसप्तवादने महती वृष्टिरपप्तत्। मया ज्ञातं वृष्टिर्दीर्घकालाय न भविष्यति। अतः सार्धसप्तवादनं पर्यन्तं प्रतीक्षामकार्षम्। वृष्टिर्न्यूनाभूत्परन्तु नावसिता। अतोऽहं तां सन्देशमगमयं यन्मेलितुं न शक्नोमि। श्वो मेलितास्वः। परन्तु पादोनाष्टवादने वृष्टिः समाप्तप्रायाभूत्। तावता तु मेलनं विलुप्तङ्कृतमेव। हा हन्त! श्वो गच्छानि।
कोई टिप्पणी नहीं:
एक टिप्पणी भेजें