रूमीरहस्यम्-१

‘रूमीरहस्यम्’ इति नाम्ना पुस्तकस्य पठनमारब्धवान्। पुस्तके त्रयोदशशताब्द्या महाकवे रूमीवर्यस्य कवितानां संस्कृतानुवादो गुम्फितः। एतन्महान् कार्यं राधावल्लभत्रिपाठीवर्येण कृतम्। एतत्पुस्तकं तु कतिपयवर्षेभ्यः पूर्वङ्क्रीतं मया परन्तु तत्काले यथार्थसंस्कृतज्ञानाभावात् पुस्तकं पठितुन्नाशक्नवम्। ह्यः पुस्तकं पुनर्हस्तगतम्। एतर्हि न्यूनातिन्यूनं नवतिप्रतिशतमवगन्तुं शक्नोमि। फारसीसंस्कृतभाषयोर्मध्येऽमुं सेतुं निर्मीय राधावल्लभवर्येण साहित्यप्रपञ्चायोपकृतम्।