सम्प्रति बालका गृहस्थिताः। विद्यालयस्य कार्यं समधिकं नास्ति। ते बहिर्गत्वा मित्रैः सह क्रीडितुन्न शक्नुयुः। तेषां दायित्वान्यपि न सन्ति। प्रौढानां तु दायित्वानयेव बहूनि सन्ति। तर्हि समययापनाय बालकैः किङ्क्रियेत? अहं पुत्रं दूरदर्शनस्य पुरतः स्थापयितुन्नेच्छामि परन्तु कियत्यो घण्टा यावत् स क्रीडनकैः क्रीडेत्? यदि तेन नैरस्यमनुभूयेत तर्हि स रुद्यात्। तेन सहाहं काश्चन क्रीडाः क्रीडामि परन्तु तत्परमपि समयोऽवशिष्यते। अतो दूरदर्शनमेव भजावहे।
कोई टिप्पणी नहीं:
एक टिप्पणी भेजें