पत्रे धनन्न प्रेषणीयम्

अद्य श्वश्र्वागमत्। आवाभ्यां धनेन किङ्कृतमिति साप्राक्षीत्। किं धनमावां प्रत्यप्राक्ष्व। यद्धनं मया अभिनन्दनपत्रे प्रेषितं तत्। आवाङ्कथङ्कथिकतया मिथोऽद्राक्ष्व। किमपि पत्रन्न प्राप्तमावाभ्यामिति तामजीज्ञपाव। पत्रे कियद्धनमासीदावामप्राक्ष्व। द्विशतरुप्यकाणि सावादीत्! आवां तां पूर्वमपि बहुकृत्वो बोधितवन्तौ यत् पत्रे धनन्न प्रेषणीयं परं सा न शृणोति। अपि नामेतिवृत्तेन तया पाठमवगम्येत।