वर्गाय जालपुटः

अहं संस्कृतवर्गं पाठयामीति तु त्वञ्जानासि। प्रतिवर्गात्परमहञ्जालपुटेन गृहकार्यं परीक्षाविषयाँश्च सूचयामि। तत्रैव वर्गे पठिताः शब्दाः स्थापयामि। तैः शब्दैर्युतानि वाक्यानि विरच्य्य तत्र स्थापयामि - छात्राणामवगतेर्वर्धनाय। कोऽपि तानि वाक्यानि पठति वा नेतः पूर्वन्न ज्ञातं मया। अद्याहं तद्विषयेऽप्राक्षम्। बहवश्छात्रावादिषुर्यत्तानि वाक्यानि तेषां हिताय - ते तानि नियततया पठन्ति। एतच्छ्रुत्वाहममोदिषि। अमूनि वाक्यानि न कालक्षेपायेति सन्तोषः।